ఇంగ్లిష్ గ్రామర్: Lesson # 2 : Regular Verbs – Irregular Verbs

        Verb అంటే ఏంటో lesson #1 లో నేర్చుకున్నారు. మీకు ఎన్ని ఎక్కువ verbs తెలిస్తే అంత మంచిది. Hope you are learning verbs!

ఈరోజు, REGULAR VERBS అంటే ఏంటో, IRREGULAR VERBS అంటే ఏంటో తెలుసుకుందాం.

ప్రతి verb కి different forms ఉంటాయి. తెలుగైనా, ఇంగ్లిష్ ఐనా – సమయాన్ని బట్టి, పని జరిగే కాలాన్ని బట్టి  ఒక verb వివిధ రూపాల్లోకి మారుతూ ఉంటుంది. ఉదాహరణకు ‘తినడం’ అన్న తెలుగు verb కి……. తింటాను-తిన్నాను–తింటున్నాను–తినేసాను-తినబోతున్నాను లాంటి forms ఉన్నట్లే, English verbsకి కూడా different forms ఉంటాయి. అందులో ముఖ్యమైనవి

1. present form లేదా infinitive form లేదా Base form (V1)
2. past form (V2)
3. past participle form (V3)

ఉదాహరణకి కిందున్న ఈ verbs ని గమనించండి.

Present/base/infinitive form (V1)	Past form                     (V2)	Past participle form     (V3)
1. play	played	played
2. finish	finished	finished
౩. stop	stopped	stopped
4. go	went	gone
5. buy	bought	bought
6. cut	cut	cut

గమనించారా, మొదటి మూడు verbs (play, finish,stop)  ఒక పద్ధతి ప్రకారం ఉన్నాయి. present form కి ‘ed’ కలిసి past మరియు past participle forms ఏర్పడ్డాయి. ఇలా ఒక regular pattern ఉంది కాబట్టి ఆ verbs ని REGULAR VERBS అంటారు.

◊Present form +‘ed’ = past form మరియు past participle form (REGULAR VERBS)

ఆ తరువాత ఉన్న మూడు verbs (go, buy, cut) అలా లేవు. ఒక pattern అంటూ లేకుండా,  past form  మరియు past participle form ‘ed’ తో end కాకుండా ఉండే verbs ని IRREGULAR VERBS అంటారు.

◊No specific pattern (IRREGULAR VERBS)

So…… ఇంగ్లిష్ బాగా మాట్లాడాలంటే irregular verbs తెలిసి ఉండాలి…. ఖచ్చితంగా వచ్చి వుండాలి. Good న్యూస్ ఏంటంటే irregular verbs యొక్క సంఖ్యా చాలా చిన్నది. కొన్నే ఉన్నాయి. ఒక వందో, రెండొందలో ఉంటాయి. కొంచెం శ్రద్ధ పెడితే అవి నేర్చుకోవడం అంత కష్టమేం కాదు. అయితే, …….Bad న్యూస్ ఏంటంటే , సంఖ్యా పరంగా కొన్నే ఉన్నా, మన రోజు వాడే verbs లో ఎక్కువ శాతం verbs ఇర్రెగులర్ వర్బ్స్. అవి సరిగ్గా రాకపోతే మన బండి అస్సలు ముందుకు సాగదు. I buyed, she teached, they cutted, I runned, she gived అంటూ మాట్లాడితే దరిద్రంగా ఉంటుంది, కదా?

అందుకే,………. రండి…. irregular verbs నేర్చుకుందాం. బాగా నేర్చుకుందాం. రెండు రెల్లెంత అంటే నాలుగు అని ఎంత ఖచ్చితంగా చెప్తామో, feel అనగానే feel – felt – felt అని, drive అనగానే drive – drove – driven అని అంతే టక్కున  చెప్పేలా perfect గా నేర్చుకుందాం.

కింద కొన్ని ముఖ్యమైన irregular verbs list ఉంది. అందులో 88  irregular verbs ఉన్నాయి. First, వీటితో మొదలు పెట్టండి. కొన్ని రోజులాగి Complete లిస్టు ‘englishbadi’ లోనే పోస్ట్ చేద్దాం.

ఇంట్లో ఉన్న ప్రతీ గ్రామర్ పుస్తకం లో, డిక్షనరిల్లో, ఇంటర్నెట్ లో “irregular verbs” లిస్టు ఉంటుంది. సేకరించండి,  కొంచెం కష్టపడండి. ఇష్టంగా నేర్చుకోండి.

గుర్తుంచుకోండి, Irregular verbs బాగా తెలిసి ఉండటం ముందు ముందు మీకు చాలా ఉపయోగపడుతుంది. V1, V2, V3.. present, past, past participle…… మీ ఇష్టం వచ్చిన పేర్లతో పిలవండి. అభ్యంతరం లేదు. మీకు irregular verbs ఖచ్చితంగా వచ్చి ఉండాలి. That’s all.

Happy Learning!.

V1 beat	V2 beat (బీట్)	V3 beaten
become	became	become
begin	began	begun
bend	bent	bent
bite	bit	bitten
blow	blew	blown
break	broke	broken
bring	brought	brought
build	built	built
buy	bought	bought
catch	caught	caught
choose	chose	chosen
come	came	come
cut	cut	cut
deal	dealt	dealt
dig	dug	dug
do	did	done
draw	drew	drawn
drink	drank	drunk
drive	drove	driven
eat	ate	eaten
fall	fell	fallen
feed	fed	fed
feel	felt	felt
fight	fought	fought
find	found	found
fly	flew	flown
forget	forgot	forgotten
forgive	forgave	forgiven
get	got	got/gotten
give	gave	given
go	went	gone
grow	grew	grown
hang	hung	hung
have	had	had
hear	heard	heard
hide	hid	hidden
hit	hit	hit
hold	held	held
keep	kept	kept
kneel	knelt	knelt
know	knew	known
lead	led	led
leave	left	left
lend	lent	lent
let	let	let
light	lit	lit
lose	lost	lost
make	made	made
mean	meant	meant
meet	met	met
put	put	put
read	read (రెడ్)	read (రెడ్)
ride	rode	ridden
ring	rang	rung
rise	rose	risen
run	ran	run
see	saw	seen
seek	sought	sought
sell	sold	sold
send	sent	sent
set	set	set
shake	shook	shaken
shine	shone	shone
shoot	shot	shot
show	showed	showed/shown
shut	shut	shut
sing	sang	sung
sink	sank	sunk
sit	sat	sat
sleep	slept	slept
speak	spoke	spoken
spread	spread	spread
stand	stood	stood
steal	stole	stolen
sweep	swept	swept
swim	swam	swum
take	took	taken
teach	taught	taught
tear	tore	torn
think	thought	thought
throw	threw	thrown
understand	understood	understood
weep	wept	wept
win	won	won
weave	wove	woven
win	won	won
write	wrote	written

How to introduce yourself

How to introduce yourself – తప్పుల్లేకుండా, తడబడకుండా.

Learn and master the art of self introduction

ఈ పోటి ప్రపంచంలో మనల్ని మనం market చేసుకుంటూనే ఉండాలి, పర్సనల్ లైఫ్ లో అయినా, ప్రొఫెషనల్ లైఫ్ లో అయినా మనల్ని మనం చక్కగా, ప్రభావితం చేసేట్లుగా  పరిచయం చేసుకోవడం తప్పనిసరి. Self Introduction is one of the very important marketing tools.

చాలా బాధ కలిగించే విషయం ఏంటంటే, ఇంజినీరింగ్ లు, ఎంబీఏలు, ఎమ్మెస్సిలు చేసిన చాల మంది తప్పులు లేకుండా, అంటే basic grammar mistakes లేకుండా ఇంగ్లిష్ లో తమల్ని తాము introduce చేసుకోలేకపోతున్నారు. సహజంగానే,  ఇది వాళ్ళ ఉద్యోగ అవకాశాలను దెబ్బతీస్తుంది. Myself  XXXX, I was completed my engineering last year, my hobbies is  XXXX అని చెప్తే, ఎవరైనా ఎలా ఉద్యోగం ఇస్తారు చెప్పండి. అదీ 10 – 12 సంవత్సరాలు ఇంగ్లిష్ మీడియం లో చదివినవిద్యార్థులు.  వాళ్ళ గ్రామర్ అలా ఉండడం చాలా దురదృష్టకరం.

కొంచెం observation, కొంచెం preparation తో ఈ సమస్య ను solve చేసెయ్యొచ్చు.

1. కిందున్న కొన్ని ఎక్స్ప్రెషన్స్ ని చదవండి.
2. అందులో మీకు సరిపోయే, మీ introduction కి ఉపయోగపడే, వాక్యాల్ని తీసుకొని చిన్న చిన్న మార్పులతో మీ సెల్ఫ్ ఇంట్రడక్షన్ ను రాసుకోండి.
3. మీ ఓపిక ను బట్టి, రెండు మూడు versions of introduction ప్రిపేర్ చేసుకోండి ( ఒకటి సంక్షిప్తంగా, ఇంకొకటి కొంచెం డిటైల్డ్ గా, మరొకటి చాలా డిటైల్డ్ గా. అవసరాన్ని బట్టి ఏదో ఒక version వాడొచ్చు.)
4. మీరు రాసింది వీలైతే, ఎవరితోనైనా కరెక్ట్ చేయించుకోండి.
5. స్రిప్ట్ రెడీ అయిన తరువాత , దాన్ని ప్రాక్టిస్  చెయ్యండి. మీరు బాగా ప్రిపేర్ అయి అయ్యి వచ్చారు అన్న విషయం మిమ్మల్ని interview చేసేవాళ్ళకి తెలియనియ్యనంత నేచురల్ గా మీరు self introduce చేసుకోవాలి.
6. మొదట కరెక్ట్ గా, ఎలాంటి  గ్రామర్ మిస్టేక్స్ లేకుండా introduce చేసుకోవడం నేర్చుకొని, ఆ తరువాత effective గా చెప్పడం నేర్చుకోండి.

ఇంత అవసరమా అనుకుంటున్నారా? ఇంటర్వ్యూలలో “Introduce yourself? ” అన్న మొదటి ప్రశ్నకే సరిగా జవాబివ్వక, మంచి మంచి అవకాశాలు కోల్పోతున్న వందల, వేల ( లక్షల?) మంది లో మీరు ఉండకూడదనుకుంటే ఈ మాత్రం preparation అవసరమే.

Expressions:

• I am XXXX.
• My name is XXXX.
• ( Imp: Please DO NOT say- Myself XXXX, It is incorrect)

• I am from XXXX.
• My native is XXXX.
• I hail from XXXX.
• I am from XXXX. Currently, I am staying in ABCD
• I was born and brought up in XXXX

• At present , I am studying XXXX in ABCD college/uiniversity.
• At present, I am pursuing B.Tech in Mechanical Engineering from XXXXX University.
• I am pursuing electronics and communication engineering in XYZ college/ABC university
• I am pursuing Post Graduation from XXXX university
• I am an engineering graduate from XXXX university.
• I have completed graduation …….
• I have just finished my post graduation in Computer Science from XXXX university.
• I completed  B.Tech in 2014 from XXXX university.
• I have done an internship with XXXX (Company name)

• I am 21 years old
• I am 21…..

• I am from an agricultural family.
• I hail from an agricultural family.
• I belong to an agricultural family.

• My father’s name is …….
• My mother’s name is ………..
• My father is a businessman/a farmer/a government employee/ a private employee/ a labourer/ a retired government employee
• My mother is a businesswoman/ a farmer/ a house wife/ a home maker/ a domestic engineer/

• Ours is a nuclear family…… Ours is a joint family.
• My family consists of four members: my father, my mother, an elder sister and me.
• There are four members in my family: my father, mother, a younger brother and me.

• I have two siblings…… a sister and a brother. Both are elder to me.
• I have an elder brother and a younger sister
• I have two elder sisters.
• I am the youngest in my family.
• I have two brothers and I am the eldest.
• I have two brothers and I am the youngest.
• I have an elder sister and a younger brother.
• My elder sister is married
• My younger brother is pursuing engineering.
• I have two younger sisters. The elder of the two is in intermediate and the other is in 10th

• My hobbies are playing cricket and watching TV.
• My hobbies are listening to music and reading books.
• My hobby is watching TV.
• Playing chess is hobby.
• My hobbies are listening to music, reading books and watching movies.
• I am interested in watching movies and collecting stamps.
• I am interested in making friends and surfing the internet.
• I love gardening.
• I love playing with my pet dog.
• I love spending time with my friends.
• I like playing games on mobile….
• In my free time, I help my father in his business.
• In my free time, I love watching TV.
• Playing chess is my favourite pastime.
• Cooking is my favourite pastime.

• My strengths are sincerity and hardworking nature.
• My strength is self-confidence.
• Strong communication skills are my greatest strength.
• Knowledge in computers is my strength.
• I have a positive attitude towards life.

• I am good at marketing.
• I have a good command over computer networking.
• I have good analytical skills.
• I am a team player…..
• I’m very results-driven
• I am proud of my communication skills

• Doing a good job and achieving the desired end result is my primary motivation…..

• My aim is to get a government job.
• My aim is to become a government teacher.
• My aim is to be a successful business woman.
• I want to become a software engineer
• I would like to be an IAS officer.

ఇంగ్లిష్ లో కమ్యూనికేషన్ స్కిల్స్ సంగతి తరువాత, అసలు తెలుగులో మీ కమ్యూనికేషన్ స్కిల్స్ ఎంత బాగున్నాయి?

          కమ్యూనికేషన్ స్కిల్స్ అనగానే అందరికి వెంటనే గుర్తుకొచ్చేది ‘ఇంగ్లిష్.  ఇంగ్లిష్ సంగతి పక్కన పెట్టి, మనల్ని మనం మొదట ప్రశ్నించుకోవాల్సింది – “అసలు తెలుగులో మన కమ్యూనికేషన్ స్కిల్స్ ఎంత బాగున్నాయి?” అని.

ఇదేం పిచ్చి ప్రశ్న అనుకుంటున్నారా? మేం రొజూ మా కుటుంబసభ్యులతో, పక్కింటి వాళ్ళతో, క్లాసు మేట్స్ తో, కొలీగ్స్ తో, పరిచయస్తులతో తెలుగులో చక్కగా, అనర్గళంగా ఎటువంటి ప్రాబ్లమ్స్ లేకుండా కమ్యూనికేట్ చేస్తునే ఉన్నాం కదా అని అనుకుంటున్నారా?

ఐతే ఒక్క నిమిషం ఆగండి.

మన ఫ్యామిలీ మెంబర్స్ తో, తెల్సిన వాళ్ళతో- ఎలా ఉన్నారు?, ఏం చేస్తున్నారు?, నాకు ఇది కావాలి, నాకు అది కావాలి. అని మాట్లాడడం ఇన్ ఫార్మల్, transactional కమ్యూనికేషన్. చాలా మంది ఈ పని బాగానే చేస్తారు. కేవలం ఇదొక్కటే సరిపోదు. జీవితం లో మనం చాలా సార్లు కొత్త వ్యక్తులతో, మనకన్నా పై స్థాయిలో ఉన్న వారితో, విభిన్న మైన పరిస్తితుల్లో  కొన్నిసార్లు కష్టమైన, క్లిష్టమైన సందర్భాలలో ( తెలుగు లోనే) మాట్లాడాల్సి ఉంటుంది.

కొన్ని ముఖ్యమైన ప్రశ్నలు:
•  పైన ప్రస్తావించిన సిచుయేషన్స్ లో చక్కగా , ధైర్యంగా, ఎటువంటి భయం లేకుండా తెలుగులో మాట్లాడగలుగుతారా?
• ఒక పదిమంది కొత్తవారి ముందు మీకు బాగా తెల్సిన ఒక విషయాన్ని తెలుగులో వివరించగలుగుతారా?
• రైల్వే స్టేషన్ లోనో, బస్టాండ్ లోనో, ఒక కొత్త వ్యక్తి తో తెలుగులో సంభాషణ మొదలుపెట్టి, ఒక అర్ధగంట సేపు చక్కగా ఆత్మవిశ్వాసంతో మాట్లాడే నైపుణ్యం మనలో ఎంత మందికుంది?

ఇంగ్లిష్ బాగా నేర్చుకొని, అందులో చక్కగా కమ్యూనికేట్ చేయాలనుకుంటున్న వాళ్ళందరూ ఈ ప్రశ్నలన్నీ వేసుకోవాల్సిన అవసరం చాలా ఉంది. మాతృభాషలోనే మన కమ్యూనికేషన్ స్కిల్స్ బాగా లేనప్పుడు, ఎన్ని భాషలు నేర్చుకున్నా, వాటిల్లో మన కమ్యూనికేషన్ స్కిల్స్ ఖచ్చితంగా బాగుండవు.

సో, భాషా పరిజ్ఞానం వేరు, కమ్యూనికేషన్ స్కిల్స్ వేరు అని గమనించండి. ఇంగ్లీష్ కంటే ముందు, మీ తెలుగును, తెలుగులో మీ కమ్యూనికేషన్ స్కిల్స్ ను పెంపొందింపచేసుకోవడానికి ప్రయత్నం చెయ్యండి. ఇంట గెలిచి రచ్చ గెలవాలి అని మీకు చెప్పాల్సిన అవసరం లేదు కదా!

24 Basic English Questions

24 Basic English Questions

రోజూ మనం ఎందర్నో ఎన్నో ప్రశ్నలు అడగాల్సి ఉంటుంది. కొన్నిసార్లు ఇంగ్లిష్లో… అయితే ఇంగ్లిష్ లో ఎలా  అడగాలో అర్థం కాక, చాలా మంది అసలు అడగడమే మానేస్తుంటారు.

కింద ఉన్న ఈ 24  బేసిక్ ఇంగ్లీష్ ప్రశ్నల్ని ఒకసారి చూడండి. వీలైతే, ఇంకోసారి చదవండి. మీరు ఇంతవరకు వాడని కొత్త ఎక్స్ప్రెషన్స్ ని సెలెక్ట్ చేసుకోండి. ప్రాక్టిస్ చెయ్యండి. ఇవన్ని తెలిసినవే కదా అని తీసిపారెయ్యకండి.

తెలియడం వేరు, రెగ్యులర్ గా వాడటం వేరు, కదా?

1. What’s your name?
2. Where are you from? / Where do you come from? / What’s your native place?
3. Where do you live? Where do you stay?
4. What’s your phone/cell  number? / What’s your mobile number?
5. How old are you?
6. When were you born?/ Where were you born?
7. When did you complete your SSC/intermediate/graduation/post graduation?
8. How is life? / How are you?/ How are you doing?/ What’s up?
9. What do you do? / What’s your job?
10. What does your father do?/ What does your mother do?
11. Where is your office/college?
12. How do you go to office/college?
13. How far is it from here?
14. How long does it take to go there?
15. How do you travel?/ How do you commute?
16. What are your hobbies?
17. How often do you watch movies/visit your native place/eat outside?
18. What time is it? What’s the time?
19. Where is the nearest ATM/  bank / supermarket / pharmacy / etc.?
20. Whose is this /Whose is that?
21. What’s it about?
22. What happened?
23. How is it?
24. What are you doing tomorrow / this evening / next week/etc ?

On a lighter note: ఇరవై నాలుగే ఎందుకు అంటారా, మరీ అంత ఇబ్బందికరమైన ప్రశ్నలు వేయకండి బాస్! 24 is just a number. That’s all.  ఈ 24 కి సూర్య హిట్ సినిమా కి ఎలాంటి సంబంధం లేదు:) ఇప్పటికి 24 ప్రశ్నలు. మిగతావేమైనా ఉంటే, ఇంకో ఆర్టికల్లో include చేద్దాం, సరేనా? 

Learn English through Short Stories

Learn English through Short Stories – చిన్న చిన్న కథలు చదువుతూ ఇంగ్లిష్ ఇంప్రూవ్ చేసుకోండి.

Learn English through Short Stories

ఇంగ్లిష్ నేర్చుకోవాలనుకుంటున్న వాళ్ళకు చాలా మంది ఇచ్చే మొట్ట మొదటి సలహా… ఇంగ్లిష్ న్యూస్ పేపర్ రోజూ చదవమని. న్యూస్ పేపర్స్ చదవడం ఖచ్చితంగా ఉపయోగపడుతుంది. కాకపొతే

• న్యూస్ పేపర్స్ లో ప్రచురితమయ్యే వార్తల పట్ల ఆసక్తి లేకపోవడం,
• చాలా విషయాల పట్ల అసలు  అవగాహన లేకపోవడం,
• ఉపయోగించే భాష కొంచెం ఎక్కువ స్థాయిలో ఉండటం,
• పూర్తిగా చదివే సమయం లేకపోవడం …………..

లాంటి కారణాల వాళ్ళ, ఇంగ్లిష్ నేర్చుకోవాలనుకుంటున్న చాలా మందికి న్యూస్ పేపర్స్ ఆశించిన స్థాయిలో ఉపయోగపడట్లేదు. అటువంటి వాళ్ళందరికీ “ఇంగ్లిష్ బడి” ఇచ్చే సలహా ” చిన్న చిన్న కథలు చదవండి” Of course, ఇంగ్లిష్ కథలు 

కథలంటే అందరికీ ఇష్టమే. కథలు మనల్ని ఒక కొత్త ప్రపంచం లోకి తీసుకెళ్తాయి. ఆ అందమైన ఊహా ప్రపంచంలో, కథల్లోని పాత్రలతో పాటు మనమూ ఒక పాత్ర అయిపోవడం వాళ్ళ, ఆ కథల్లోని భాష, సంభాషణలు మన మనస్సులలో అలా నిలిచి పోతాయి. ఆ కథల్ని మళ్ళీ మళ్ళీ గుర్తుకు తెచ్చుకోవడం, వీలైనప్పుడు దగ్గరివాళ్లకు కథలు చెప్పడం వలన ఆ కథల్లోని భాష మనకు అలవాటు అవుతుంది.. అందుకే, చిన్న చిన్న కథలు చదవడం ప్రారంభించండి..

చిన్న కథల్ని, ఎంత చిన్నవైనా సరే, LKG, UKG పిల్లలకోసం రాసిన కథలైనా పరవాలేదు. చదవండి. ఒక పదీ ఇరవై కథలతో మీరు రెగ్యులర్ గా ప్రాక్టిస్ చేస్తే. మీ ఇంగ్లిష్ లో మీరు ఖచ్చితంగా మార్పు చూస్తారు.

కథలు చదువుతూ ఇంగ్లిష్ ఇంప్రూవ్ చేసుకోవడానికి మీరు పాటించాల్సిన  సూచనలు:

• దాదాపు అన్ని కథలు మనకు తెలిసినవే ఉంటాయి. కథ తెలిసినా సరే…. చదవండి
• ఒక కథ చదివి అర్థం కాగానే, ఓస్.. ఇంతేనా అని అనుకోకండి.
• ఒకే  కథని  నాలుగైదు సార్లు చదవండి. ఓపికుంటే పది సార్లయినా పరవాలేదు.
• కథల్లో వాడిన భాషని  జాగ్రత్తగా గమనించండి.
• కళ్ళు మూస్కొని ఆ కథని మీకు మీరు చెప్పుకోవడానికి ట్రై చెయ్యండి.
• సాధ్యమైనంత వరకు, కథలోని భాషను మార్చకండి – పదాలను, వాక్యాలని  ఉన్నవున్నట్లు గుర్తు పెట్టుకోవడానికి ప్రయత్నించండి.
• మీ ఫ్రెండ్స్ కో, ఇంట్లో వాళ్ళకో,  ముఖ్యంగా, పిల్లలకు ఈ స్టోరీస్ ని చెప్పడం అలవాటు చేసుకోండి.
• కథకి తగ్గట్లు, గొంతులో కొంచెం ఇమోషన్స్, మొఖంలో ఎక్స్ప్రెషన్స్ ఉండేట్లు చూసుకోండి.
• వీలైతే అద్దం ముందు నిలబడి, ఆ కథల్ని మీకు మీరే చెప్పుకోవడానికి ప్రయత్నించండి.

……. ఇలా ప్రాక్టిస్ చేస్తే ఆయా కథల్లో వాడిన పదాలు,  ఎక్స్ప్రెషన్స్  మీకు తప్పకుండా గుర్తుండిపోతాయి. ఇప్పుడు వాటిని మీ సంభాషణల్లో,  స్వంత వాక్యాల్లో  ఉపయోగించండి. మొదట్లో కొంచెం కొత్తగా, ఇబ్బంది గా అనిపించినా,  “reading & retelling stories” మీ ఇంగ్లిష్ స్పీకింగ్ స్కిల్స్ ని చాలా డెవలప్ చేస్తుంది. ఖచ్చితంగా…….నో డౌట్ అబౌట్ ఇట్!

మరెందుకు ఆలస్యం. కథలు చదవడం, వినడం, చెప్పడం ప్రారంభించండి!

కింద ఉన్నవి – మీకోసం ఇంగ్లిష్ బడి సెలెక్ట్ చేసి, rewrite చేసిన కొన్ని కథలు. ఇంకా చాలా కథలు మీకందించాలనుకుంటున్నాం. We will add more short stories. ఇప్పటికైతే వీటితో ప్రారంభించండి. రోజుకొక్క స్టొరీ అయినా పరవాలేదు కాని క్రమం తప్పకుండా చదవండి. ఓపికతో ప్రాక్టిస్ చెయ్యండి. పది కథలు తీసుకొని, ఒక నెల రోజులు కష్టపడి చూడండి. మార్పు మీకే తెలుస్తుంది. ఇంగ్లిష్ నేర్చుకోవడం బ్రహ్మవిద్యేం కాదని మీకే అర్థం అవుతుంది.

So, happy reading and happy learning.

English Through Short Stories – Story #1

English Through Short Stories – Story #2

English Through Short Stories – Story #3

English Through Short Stories – Story # 4

English Through Short Stories – Story # 5

ఇంగ్లిష్ నేర్చుకోవాలంటే, ఏదైనా స్పోకెన్ ఇంగ్లిష్ ఇన్స్టిట్యూట్లో జాయిన్ కావడం తప్పనిసరా?

             మీరు ఇంగ్లిష్ నేర్చుకోవాలనుకుంటున్నారు. ఇంగ్లిష్ లో చక్కగా మాట్లాడ్డం వస్తే మీ విజయావకాశాలు ఎక్కువ అవుతాయని మీరు అర్థం చేసుకున్నారు. సంతోషం. Congratulations and all the best.

థాంక్స్,  కానీ……… ఇంగ్లిష్ నేర్చుకోవడానికి ఏదైనా స్పోకెన్ ఇంగీష్ ఇన్స్టిట్యూట్ కి తప్పనిసరిగా వెళ్ళాలా అని అడుగుతున్నారా?  ఐతే  ఇది చదవండి.

ఖచ్చితంగా ఏదో ఒక స్పోకెన్ ఇంగ్లిష్ ఇన్స్టిట్యూట్ కి వెళ్తే ‘మాత్రమె ‘ ఇంగ్లిష్ వస్తుంది అనుకోవడం కరెక్ట్ కాదు. ఎలా నేర్చుకోవాలో తెలిసి, మీ పట్టుదలకు, కొంచెం మోటివేషన్ను కలిపి, శ్రద్ధగా, క్రమం తప్పకుండా ప్రాక్టీస్ చేస్తే, ఎక్కడికి వెళ్ళకుండానే ఇంగ్లిష్ లో చక్కగా మాట్లాడ్డం నేర్చుకోవచ్చు. ఆరోగ్యంగా ఉండాలనుకుంటున్న వాళ్ళందరూ జిమ్ కి వెళ్ళాల్సిన అవసరం లేదు కదా?

అయితే, ఏదైనా ఇన్స్టిట్యూట్ కి వెళ్ళే సమయం మీకుండి, కోర్సు ఫీజ్ కు కావాల్సిన డబ్బులు మీకు ప్రాబ్లం కాకపొతే ఒక మంచి ఇన్స్టిట్యూట్ ని ఎంచుకొని రెగ్యులర్ అటెండ్ అవుతూ మీరు ఇంగ్లిష్ నేర్చుకోవచ్చు. మీలాంటి వాళ్ళు, ఇంగ్లిష్ నేర్చుకోవాలన్న తపన ఉన్నవాళ్ళే ఈ కోర్స్ లకు వస్తారు కాబట్టి మీ క్లాస్మేట్స్ మీ ఇంగ్లిష్ ప్రాక్టీసు లో బాగా ఉపయోగపడుతారు.

అయితే, స్పోకెన్ ఇంగీష్ టీచర్ ను, ఇన్స్టిట్యూట్ ను, ఎంచుకోవడంలో కొంచెం జాగ్రత్త వహించండి. ప్రకటనలను, ఫాల్స్  ప్రామిస్ లను చూసి మోసపోకండి. గుర్తుంచుకోండి… ఒక భాష నేర్చుకోవడం కొన్ని గంటల్లోనో, మున్నాలుగు వారాళ్లోనో జరిగే పని కాదు. ఇట్ టేక్స్ టైం. అలాగే,  ఏ లాంగ్వేజ్ లెర్నింగ్ క్లాసు లో అయినా టీచర్ తక్కువగా మాట్లాడాలి, స్టూడెంట్స్ కి మాట్లాడే అవకాశాలు ఎక్కువగా ఉండాలి. టీచర్ ఎంత సేపటికి గ్రామర్ కాన్సెప్ట్స్ చెప్పడం మాత్రమే చేస్తే మీరు ఇంగ్లిష్ గ్రామర్ లో perfect అవుతారేమో గాని, ఇంగ్లిష్ లో మాట్లాడడం మాత్రం రాదు. ఇలాంటి స్పోకెన్ ఇంగ్లిష్ ఇన్స్టిట్యూట్ ల  వలన కలిగే లాభం చాలా తక్కువ.

కాబట్టి, ఒక ఇన్స్టిట్యూట్ జాయిన్ కావడానికి ముందు, దాన్ని గూర్చికొంచెం రిసెర్చ్ చెయ్యండి.  ఇంతకుముందు ఆ ఇన్స్టిట్యూట్లో చదివినవాల్లని కలిసి ఆ ఇన్స్టిట్యూట్ గూర్చి & టీచర్ గురించి తెలుసుకోండి.

• క్లాస్ లో ఎంత మంది స్టూడెంట్స్ ఉంటారు?
• అసలు ఆ టీచర్/ టీచర్స్ ఎంత చక్కగా ఇంగ్లిష్ మాట్లాడతారు?
• ఆ ఇన్స్టిట్యుట్ లో స్టూడెంట్స్ తో మాట్లాడిస్తారా లేదా?
• స్టూడెంట్స్ మాట్లాడిన తరువాత క్వాలిటీ ఫీడ్ బ్యాక్ ఇస్తారా లేదా?

అన్న విషయాలు తెలుసుకోండి. అన్నీ పాజిటివ్ గా ఉంటేనే జాయిన్ అవ్వండి. లేకపోతె డబ్బులు వృధా, అంతకంటే ముఖ్యంగా సమయం వృధా.

ఒకవేళ ఏదైనా ఇన్స్టిట్యూట్ జాయిన్ అయితే కిందున్నఈ కొన్ని విషయాలు మర్చిపోకండి.

1. క్లాసెస్ మిస్ చేయకండి.
2. హోం వర్క్ఇస్తే తప్పకుండా చెయ్యండి.
3. క్లాస్స్ రూమ్ అక్టివిటిస్ లో చురుకుగా పాల్గొనండి.
4. కీప్ ఎక్స్పిరిమెంటింగ్.  కమ్యూనికేషన్ స్కిల్స్ పై, మీరు నేర్చుకొనే అనేక విషయాలపై ప్రయోగాలు చెయ్యడానికి మీ స్పోకెన్ ఇంగ్లీష్ క్లాసు ఒక మంచి వేదిక. ఈ ప్రయోగాలు మీ కాన్ఫిడెన్స్ లెవల్స్ ని పెంచుతాయి.
5. క్లాస్ రూంలో మాట్లాడడానికి ప్రిపేర్ అయ్యి వెళ్ళండి.

మాట్లాడడానికి భయపడకండి. మీరు ఎంత ఎక్కువగా మాట్లాడి, టీచర్ మరియు మీ క్లాస్మేట్స్ ఇచ్చే ఫీడ్ బ్యాక్ ని ఎంత బాగా ఉపయోగించుకుంటే అంత తొందరగా మీ ఇంగ్లిష్ నేర్చుకోవాలనే ప్రయత్నం సఫలీకృతం అవుతుంది. అలా చేయకపోతే, మనం స్కూల్లల్లో & కాలేజీల్లో ఇంగ్లిష్ క్లాసెస్ లో చేసినట్లు – స్పోకెన్ ఇంగ్లిష్ క్లాసెస్ కూడా వచ్చామా, విన్నామా, వెళ్ళామా అన్నట్టుగానే ఉంటుంది. జాగ్రత్త!

ఏ కారణం చేతనైనా, మీరు స్పోకెన్ ఇంగ్లిష్ ఇన్స్టిట్యూట్ వెళ్ళడం వీలుకాకపోతే, నిరుత్సాహపడకండి. మీరు స్వంతంగానే ఇంగ్లిష్ నేర్చుకోవచ్చు. అలా నేర్చుకొని ఇంగ్లిష్ లో ఆత్మవిశ్వాసంతో, అనర్గళంగా మాట్లాడేవాళ్ళు మనచుట్టూ చాలా మంది ఉన్నారు. Remember, it’s possible and it’s easy.

Once again, all the best!!